LOWASSA NDIYE MTEULE RASMI WA CHADEMA NGAZI YA URAIS

Kama hupendi siasa kwa sasa basi itakuwa ni ngumu sana kuzikwepa taarifa zake kwani karibu kila siku kupitia vyombo vyote vya habari lazima utakutana nazo (siasa) 

 

Leo Agost 4, 2015 Chama cha Demokrasia na Maendeleo  CHADEMA wao wameamua kumtangaza rasmi aliyekuwa Waziri Mkuu Edward Lowassa kuwa mgombea wake wa urais wa chama hicho.

Chadema wamefanya maamuzi hayo ikiwa ni wiki moja tangu Lowassa alipoamua kujiunga na chama hicho akitokea chama tawala cha CCM.

Itakumbukwa kwamba Lowassa amekuwa CCM  kama mwanachama kwa zaidi ya miaka 30 na uamuzi wake wa kukihama chama chake hicho ulifuatiwa mara baada ya kushindwa kuchaguliwa na chama hicho kuwa mgombea wa urais mwezi uliopita.